Мобилноста претставува фундаментален аспект на нашето здравје, а зглобовите, како основна компонента на мускулно-скелетниот систем, имаат централна улога во извршувањето на секојдневните активности. Со текот на времето, зглобовите можат да претрпат одредени промени на нивната структура и функција, кои се должат на природно стареење, зголемен физички напор или дегенеративни заболувања. Најзастапен тип на колаген во зглобната ‘рскавица е колагенот тип 2, кој се издвојува како главен фактор за зачувување и подобрување на здравјето на зглобовите, како и за одржување на оптимална подвижност.
Колаген претставува основен структурен протеин во човечкото тело, кој обезбедува стабилност и еластичност на различни ткива. Колаген тип 2 во најголем процент е застапен во ‘рскавицата на зглобовите и тој е богат со специфични амино киселини, есенцијални за регенерација и одржување на ‘рскавичната структура. Овој протеин создава структурна мрежа во ‘рскавицата, која игра клучна улога во амортизација на силите што се јавуваат при движењето на зглобовите.
Oсвен во зглобовите, колаген тип 2 е застапен во поголеми количини во стаклестото тело на окото, интервертебралните дискови на ‘рбетниот столб и во внатрешното уво. Кога организмот произведува помали количини на колаген тип 2, како резултат на стареење или прекумерен физички напор,‘рскавицата станува подложна на оштетувања, што доведува до воспаление, болка и намалена подвижност.
Колаген тип 2 е есенцијален за одржување на здравјето на зглобовите, благодарение на неговата уникатна способност да ја поттикне регенерацијата на оштетените ткива, особено на ‘рскавицата и да ги намали хроничните воспалителни процеси. Тој истовремено поттикнува и создавање на синовијална течност, која е неопходна за ублажување на триењето во зглобовите.
Редовниот внес на колаген тип 2 може значително да ја забави прогресијата на остеоартритисот и другите хронични болести на зглобовите. Дополнително, овој тип на колаген има антиинфламаторни својства, што го прави клучен за ублажување на болката и спречување на оштетувањата предизвикани од хронични воспалителни состојби. На тој начин, колаген тип 2 делува како моќен заштитник на зглобовите, обезбедувајќи долгорочна функционалност и движење без болка.
Најдобар природен извор на колаген тип 2 претставува бујонот, односно супа од коска, особено онаа направена од пилешки коски и ‘рскавици, која содржи соединенија како колаген, хондроитин сулфат и глукозамин. Рибата, особено кога се консумира со кожа или ‘рскавица, може да обезбеди внес на колаген тип 2, иако е побогата со колаген тип 1. Дополнително, за подобрување на природната синтеза на колаген, важно е да се консумира храна богата со витамин Ц, аминокиселини и минерали како магнезиум и цинк.
Современите суплементи кои содржат колаген тип 2 претставуваат револуционерен пристап во заштита и третман на зглобните нарушувања. Еден од водечките производи во оваа област е Бонген – иновативна формулација дизајнирана да го поттикне природниот процес на регенерација на ‘рскавицата и да ја зголеми мобилноста на зглобовите.
Овој суплемент одржи 6 активни природни состојки кои си помагаат меѓусебно да и ги обновуваат зглобовите. Главната компонента е хидролизиран колаген тип 2, кој благодарение на неговата висока биорасположивост лесно се апсорбира во организмот. Покрај тоа, содржи хијалуронска киселина и силициум, кои освен за зглобовите, корисни се и за здравјето на кожата. Оваа формулација е надополнета со витамин Ц, витамин Д и витамин Б3.
Бонген е особено погоден за лица кои страдаат од хронични состојби на зглобовите, за спортисти со зголемени физички оптоварувања и за сите оние кои сакаат да ја зачуваат својата мобилност и квалитет на животот на подолг рок.
Колаген тип 2 претставува клуч за оддржување на здравјето на зглобовите и за долгорочно задржување на подвижноста. Тој е особено корисен за лица изложени на зголемен физички напор и хронични заболувања, како и при природниот процес на стареење. Овој структурен протеин го поттикнува обновувањето на ‘рскавицата, го намалува воспалението на зглобовите и ја подобрува нивната функција. Природните извори на колаген тип 2, како супа од коска или риба и додатоци во исхраната, како Бонген, претставуваат ефективен начин за зачувување на мобилноста и квалитетот на животот.
