Алергии – симптоми, третмани и се што треба да знаете

Што претставуваат алергиите?
Алергиите се сложен имунолошки процес во човечкиот организам што настануваат како резултат на влијанието на различни типови супстанци, наречени алергени. Човекот, во текот на неговиот живот, пред да има алергија, веќе бил во контакт со тие алергени. Потоа, настануваат низа процеси од кои зависи како ќе се манифестира целокупната реакција на тој алерген.

Човекот, во било кој период од својот живот, може да развие алергија на нешто ново, без разлика дали било тоа хемикалија, храна, полен, прашина, инсекти или слично.

Колку видови алергии постојат?
Постојат неколку видови на алергии и секоја од нив е предизвикана од различен алерген, но имаaт и различни симптоми. Некои од почестите алергии се:

* еколошки алергии, кои се предизвикани од супстанци кои се наоѓаат во околината, како што се полен, прашина, животински влакна, или мувла.

* алергии на храна, кои се предизвикани од специфична храна , како што се кикиритки, ореви или останати јаткасти плодови, млеко, јајца, некои видови на овошја, и слично.

* алергии на лекови, кои се предизвикани од одредени лекови како што се антибиотици, лекови против болка или лекови за хемотерапија.

* алергии на инсекти, кои се предизвикани при убод од инсект, како на пример оса, пчела или комарец.

* контактни алергии, кои се предизвикани при директен контакт со некои супстанци или материјали. Најчеста алергија во оваа група е алергија на прашок/детергент за перење алишта, но има и алергии предизвикани при допир со латекс, метали, парфеми, и останати хемиски супстанци.

Кои се симптомите на алергии? Секоја група или подгрупа на алергии си има свои симптоми што ја издвојуваат од останатите и ги прават полесни за препознавање. На пример, алергијата од полен е проследена со затнат нос, кивавица, црвени или насолзени очи, и умор. Од друга страна пак, алергиите на храна предизвикуваат благи и тешки симптоми, почнувајќи од чешање, до појава на осип по телото или јазикот, до анафилакса, што е опасно по живот. Навистина е важно правилно да се идентификува типот на алергија што го има лицето за да може да се даде соодветен третман при управување со симптомите и спречување на потенцијално опасни реакции.

Кои се третманите за лекување на алергии?
Како што спомнавме, бидејќи сите алергии се различни и имаат различни симптоми, исто така имаат и различни третмани за лекување. Пред да се почне со третман за лекување, важно е, откако ќе се дефинира алергијата и алергените, да се избегнуваат! Ова особено се однесува за луѓе кои имаат еколошки алергии или алергии на храна. На луѓето кои се алергични на полен им се препорачува да останат во затворен простор кога поленот е со голема застапеност во воздухот и да ги држат прозорците и вратите затворени.

Останатите третмани вклучуваат:
* лекови: постојат неколку видови на лекови кои се достапни за лекување на алергии, како што се антихистаминици, деконгестиви, назални кортикостероиди и инхибитори на леукотриен. Дел од нашето портфолио се и брендот Nasaleze, чии назални спрејови се покажани како навистина ефективни во борбата против алергии.

* имунотерапија: овој третман вклучува изложување на лицето на мали количини на алерген со текот на времето, постепено зголемување на дозата додека телото не изгради имунитет.

* итен епинефрин: луѓето со тешки алергии, како што се алергиите на храна или инсекти, можеби ќе треба да носат итен епинефрин за лекување на анафилакса, која е опасна алергиска реакција.

Од исклучително значење е да се соработува со лекар за да се идентификува типот на алерија за да се развие соодветен план за лекување. Алергиите можат ефикасно да се менаџираат со соодветен третман, овозможувајќи им на луѓето да водат нормален, здрав живот.