Fibrozyme

Fibrozyme е граничен производ во форма на гастро-резистентни капсули наменет за намалување на симптомите на акутно и хронично воспаление како што се болка, оток, еритем, хиперкоагулација и зголемена температура.

Fibrozyme во својот состав содржи 3 состојки, меѓу кои:

• Serrapeptase (серопептаза) е протеолитички ензим кој е изолиран од непатогени ентеробактерии од родот Serratia E15. Серапептазата има добро взаемодејство со нестероидните антиинфламаторни лекови (НСАИЛ), антибиотиците и венотониците, и го подобрува нивниот ефект врз организмот.
• Bromelain (бромелаин) е протеолитички ензим од растително потекло. Позитивно делува на создавањето на фибрин од фибриноген, како и на одвивањето на нормалниот проток на крвта и лимфата во организмот.
• Quercetin (кверцетин) е биофлавонид кој ја подпомага имунолошката заштита на организмот. Тој исто така има позитивно влијание врз зајакнувањето на ѕидот на капиларните крвни садови.

Намена:

• Воспаление – Го инхибира ослободувањето на простагландини, леукотриени, тромбоксани, интерлеукини и TNF алфа. Ги менува адхезивните молекулите на клеточните површини, коишто привлекуваат воспалителни клетки при автоимуни заболувања.
• Инфекции на горни дишни патишта – Акутен и хроничен синузитис, фарингитис и отитис. Го намалува отокот и ја подобрува секреција на ексудатот.
• Инфекции на долни дишни патишта – Бронхитис, астма, пневмонија. Силно ограничува воспалителното жариште, го разредува бронхијалниот секрет и го помага неговото искашлување. Ја намалува постинфламаторната интерстицијална фиброза и плеврални адхезии.
• Трауми и хируршки интервенции – Ја намалува болката, отокот и ризикот од тромбоза. Има докажан ефект при хиперкоагулабилни состојби и васкуларни инциденти. Помага кај ремоделирање на лузни и адхезии
• Атеросклероза – Ја намалува големината на атеросклеротичните плаки отстранувајќи ги наслагите на холестерол, калциум и фибрин. Инхибира прекумерна тромбоцитна акумулација и нивна агрегација.
• Хронична венска инсуфициенција (CVI), Варикси и тромбофлебити на површински вени, Длабока венска тромбоза (DVT) – Го намалува воспалението и ги подобрува поплаките на пациентите за болка, чувство на тежина, чешање, парестезии и грчеви. Ја подобрува лимфната дренажа и го намалува лимфниот едем.

Пакување:

30 капсули